Bathinda electric poles danger
Bathinda electric poles danger : ਕ੍ਰਾਈਮ ਆਵਾਜ਼ ਇੰਡੀਆ ਬਠਿੰਡਾ 11 ਜਨਵਰੀ (ਭੁੱਲਰ) – ਪੰਜਾਬ ਸਰਕਾਰ ਵੱਲੋਂ ਸੂਬੇ ਵਿੱਚ ਪਾਰਦਰਸ਼ੀ ਪ੍ਰਸ਼ਾਸਨ ਦੇ ਦਾਅਵੇ ਕੀਤੇ ਜਾ ਰਹੇ ਹਨ, ਪਰ ਬਠਿੰਡਾ ਦਾ ਬਿਜਲੀ ਵਿਭਾਗ ਮੁੱਖ ਮੰਤਰੀ ਦਫ਼ਤਰ ਦੇ ਹੁਕਮਾਂ ਨੂੰ ਵੀ ਛਿੱਕੇ ਟੰਗ ਕੇ ਕੰਮ ਕਰ ਰਿਹਾ ਹੈ। ਬਠਿੰਡਾ ਦੀਆਂ ਸੜਕਾਂ, ਗਲੀਆਂ ਅਤੇ ਹਾਈਵੇਅ ‘ਤੇ ਪਿਛਲੇ ਕਈ ਸਾਲਾਂ ਤੋਂ ਪਏ ਬਿਜਲੀ ਦੇ ਟੁੱਟੇ ਅਤੇ ਬੇਕਾਰ ਖੰਭੇ ਚੁੱਕਣ ਵਿੱਚ ਵਿਭਾਗ ਵੱਲੋਂ ਵੱਡੀ ਲਾਪਰਵਾਹੀ ਸਾਹਮਣੇ ਆਈ ਹੈ।
ਆਰ.ਟੀ.ਆਈ. ਐਕਟੀਵਿਸਟ ਸੰਜੀਵ ਗੋਇਲ ਨੇ ਦੱਸਿਆ ਕਿ ਦਸੰਬਰ 2025 ਵਿੱਚ ਉਨ੍ਹਾਂ ਮੁੱਖ ਮੰਤਰੀ ਪੰਜਾਬ ਦੇ ਦਰਬਾਰ ਵਿੱਚ ਇੱਕ ਸ਼ਿਕਾਇਤ ਦਰਜ ਕਰਵਾਈ ਸੀ ਕਿ ਬਠਿੰਡਾ ਦੀਆਂ ਸੜਕਾਂ ‘ਤੇ ਪਏ ਬੇਕਾਰ ਖੰਭੇ ਲੋਕਾਂ ਦੀਆਂ ਜਾਨਾਂ ਲਈ ਖ਼ਤਰਾ ਬਣੇ ਹੋਏ ਹਨ। Bathinda electric poles danger ਮੁੱਖ ਮੰਤਰੀ ਦਫ਼ਤਰ ਵੱਲੋਂ ਇਸ ਸ਼ਿਕਾਇਤ ‘ਤੇ ਤੁਰੰਤ ਕਾਰਵਾਈ ਦੇ ਹੁਕਮ ਦਿੰਦਿਆਂ ਮਾਮਲਾ ਬਿਜਲੀ ਵਿਭਾਗ ਨੂੰ ਭੇਜਿਆ ਗਿਆ।
ਸੰਜੀਵ ਗੋਇਲ ਦੇ ਖ਼ੁਲਾਸੇ ਅਨੁਸਾਰ ਬਠਿੰਡਾ ਦੇ ਉੱਚ ਅਧਿਕਾਰੀਆਂ ਨੇ ਸਹਾਇਕ ਇੰਜੀਨੀਅਰ ਸਬ ਡਿਵੀਜ਼ਨ ਟੈਕ-1 ਅਤੇ ਟੈਕ-2 ਨੂੰ ਮਾਮਲਾ ਹੱਲ ਕਰਨ ਲਈ ਲਿਖਿਆ, ਪਰ ਅਸਲ ਹਕੀਕਤ ਇਹ ਹੈ ਕਿ ਵਿਭਾਗ ਦੇ ਅਧਿਕਾਰੀ ਬੈਠੇ-ਬੈਠੇ ਹੀ ਝੂਠੀਆਂ ਰਿਪੋਰਟਾਂ ਤਿਆਰ ਕਰ ਗਏ। ਸਹਾਇਕ ਇੰਜੀਨੀਅਰ ਟੈਕ-2 ਨੇ ਪੱਤਰ ਨੰਬਰ 2156 (30 ਦਸੰਬਰ 2025) ਅਤੇ ਟੈਕ-1 ਨੇ ਪੱਤਰ ਨੰਬਰ 2405 (22 ਦਸੰਬਰ 2025) ਰਾਹੀਂ ਦਰਜ ਕੀਤਾ ਕਿ ਲਗਭਗ ਸਾਰੇ ਬੇਕਾਰ ਖੰਭੇ ਚੁੱਕਵਾ ਦਿੱਤੇ ਗਏ ਹਨ।
ਸੰਜੀਵ ਗੋਇਲ ਨੇ ਕਿਹਾ ਕਿ ਵਿਭਾਗ ਦੇ ਕਿਸੇ ਵੀ ਅਧਿਕਾਰੀ ਨੇ ਉਨ੍ਹਾਂ ਨਾਲ ਤਾਲਮੇਲ ਨਹੀਂ ਕੀਤਾ ਅਤੇ ਸੜਕਾਂ ਤੋਂ ਖੰਭੇ ਹਟਾਏ ਨਹੀਂ ਗਏ।Bathinda electric poles danger ਅੱਜ ਵੀ ਬਠਿੰਡਾ ਦੀਆਂ ਗਲੀਆਂ ਅਤੇ ਹਾਈਵੇਅ ‘ਤੇ ਇਹ ਖੰਭੇ ਪਏ ਹਨ, ਜੋ ਕਿਸੇ ਵੀ ਵੇਲੇ ਵੱਡੇ ਹਾਦਸੇ ਦਾ ਕਾਰਨ ਬਣ ਸਕਦੇ ਹਨ। ਖ਼ਾਸ ਕਰਕੇ ਸੰਘਣੀ ਧੁੰਦ ਅਤੇ ਕੋਹਰੇ ਦੇ ਮੌਸਮ ਵਿੱਚ ਇਹ ਖੰਭੇ ਰਾਹਗੀਰਾਂ ਲਈ ‘ਮੌਤ ਦੇ ਦੂਤ’ ਸਾਬਤ ਹੋ ਰਹੇ ਹਨ।
ਉਨ੍ਹਾਂ ਸਵਾਲ ਕੀਤਾ ਕਿ ਜੇ ਮੁੱਖ ਮੰਤਰੀ ਦਫ਼ਤਰ ਦੇ ਹੁਕਮਾਂ ‘ਤੇ ਵੀ ਅਧਿਕਾਰੀ ਝੂਠੀਆਂ ਰਿਪੋਰਟਾਂ ਬਣਾਉਂਦੇ ਹਨ, ਤਾਂ ਆਮ ਜਨਤਾ ਦੀ ਸੁਣਵਾਈ ਕਿੱਥੇ ਹੋਵੇਗੀ? ਸੰਜੀਵ ਗੋਇਲ ਨੇ ਮੰਗ ਕੀਤੀ ਕਿ ਗੈਰ-ਜ਼ਿੰਮੇਵਾਰ ਅਧਿਕਾਰੀਆਂ ਖ਼ਿਲਾਫ਼ ਸਖ਼ਤ ਵਿਭਾਗੀ ਕਾਰਵਾਈ ਕੀਤੀ ਜਾਵੇ ਅਤੇ ਬਠਿੰਡਾ ਪ੍ਰਸ਼ਾਸਨ ਅਤੇ ਡਿਪਟੀ ਕਮਿਸ਼ਨਰ ਬਠਿੰਡਾ ਨੂੰ ਅਪੀਲ ਕੀਤੀ ਕਿ ਤੁਰੰਤ ਜ਼ਮੀਨੀ ਪੱਧਰ ‘ਤੇ ਖੰਭੇ ਹਟਾਏ ਜਾਣ।
नोट: पंजाबी की ब्रेकिंग खबरें पढ़ने के लिए आप हमारे CAi TV ਐਪ ਨੂੰ ਡਾਊਨਲੋਡ यदि आप वीडियो देखना चाहते हैं तो Crime Awaz India पर देख सकते हैं। ਦੇ YouTube चैनल को Subscribe कर लें।W/A Channel Follow करो Crime Awaz India सभी सोशल मीडिया प्लेटफ़ॉर्म पर उपलब्ध है। आप हमें फेसबुक, ट्विटर, कू, शेयरचैट और डेलीहंट पर भी फॉलो कर सकते हैं।
