ਜਾਣੋ 16 ਅਗਸਤ ਨੂੰ ਕ੍ਰਿਸ਼ਨ ਜਨਮ ਅਸ਼ਟਮੀ ਮਨਾਉਣਾ ਕਿਉਂ ਸ਼ੁਭ ਮੰਨਿਆ ਜਾ ਰਿਹਾ ਪੰਡਿਤ ਸੁਨੀਲ ਦੱਤ ਸ਼ਰਮਾ ਦੇ ਅਨੁਸਾਰ, ਇਸ ਵਾਰ ਕ੍ਰਿਸ਼ਨ ਜਨਮ ਅਸ਼ਟਮੀ 15 ਅਗਸਤ ਰਾਤ 11:50 ਵਜੇ ਸ਼ੁਰੂ ਹੋ ਕੇ 16 ਅਗਸਤ ਰਾਤ 9:35 ਵਜੇ ਸਮਾਪਤ ਹੋਵੇਗੀ। ਉਹਨਾਂ ਦੱਸਿਆ ਕਿ ਗ੍ਰਹਿਸਤੀ ਲੋਕਾਂ ਲਈ 15 ਅਗਸਤ ਵਰਤ ਅਤੇ ਪੂਜਾ ਲਈ ਵਧੀਆ ਹੈ, ਜਦਕਿ ਵੈਸ਼ਨਵ ਸੰਪਰਦਾਇ ਨਾਲ ਜੁੜੇ ਭਗਤਾਂ ਲਈ 16 ਅਗਸਤ ਨੂੰ ਅਸ਼ਟਮੀ ਮਨਾਉਣਾ ਸ਼ੁਭ ਮੰਨਿਆ ਜਾਂਦਾ ਹੈ।
ਪੰਡਿਤ ਸ਼ਰਮਾ ਨੇ ਸਮਝਾਇਆ ਕਿ ਗ੍ਰਹਿਸਤੀ (ਸਮਰਥ) ਉਹ ਹਨ ਜੋ ਘਰ-ਪਰਿਵਾਰ ਵਿੱਚ ਰਹਿੰਦੇ ਹਨ ਅਤੇ ਆਮ ਤਰੀਕੇ ਨਾਲ ਤਿਉਹਾਰ ਮਨਾਉਂਦੇ ਹਨ। ਲਗਭਗ 90% ਲੋਕ ਇਸ ਸ਼੍ਰੇਣੀ ਵਿੱਚ ਆਉਂਦੇ ਹਨ। ਵੈਸ਼ਨਵ ਉਹ ਹਨ ਜਿਨ੍ਹਾਂ ਨੇ ਕਿਸੇ ਵਿਸ਼ੇਸ਼ ਸੰਪਰਦਾਇ ਤੋਂ ਗੁਰੂ ਮੰਤਰ ਲਿਆ ਹੋਵੇ, ਜਿਵੇਂ ਕਿ ਸੰਨਿਆਸੀ ਜਾਂ ਵਿਧਵਾ ਔਰਤਾਂ।
” ਕ੍ਰਿਸ਼ਨ ਭਗਤਾਂ ਲਈ ਸੁਨੇਹਾ… 16 ਅਗਸਤ ਨੂੰ ਮਨਾਉਣਾ ਕਿਉਂ ਬਣਿਆ ਖ਼ਾਸ ? “
ਭਗਵਾਨ ਕ੍ਰਿਸ਼ਨ ਦੇ ਜਨਮ ਦਿਨ ਵਰਤ ਰੱਖਣਾ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ। ਲੱਡੂ ਗੋਪਾਲ ਜੀ ਨੂੰ ਗੰਗਾਜਲ ਨਾਲ ਇਸ਼ਨਾਨ ਕਰਵਾ ਕੇ, ਸੋਹਣੇ ਵਸਤਰ ਪਹਿਨਾ ਕੇ, ਮੋਰ ਪੰਖ ਸਜਾ ਕੇ ਅਤੇ ਸੁਗੰਧਿਤ ਭੋਗ ਲਗਾ ਕੇ ਪੂਜਾ ਕਰਨੀ ਚਾਹੀਦੀ ਹੈ। ਜੇ ਕਿਸੇ ਨੂੰ ਸ਼ਾਸਤਰੀ ਪਾਠ ਨਹੀਂ ਆਉਂਦਾ, ਤਾਂ “ਹਰੇ ਕ੍ਰਿਸ਼ਨਾ ਹਰੇ ਰਾਮਾ” ਦਾ ਜਾਪ ਕਰਨਾ ਵੀ ਉਤਮ ਹੈ।
ਕ੍ਰਿਸ਼ਨ ਜੀ ਦਾ ਜਨਮ ਰਾਤ 12 ਵਜੇ ਹੋਇਆ ਸੀ, ਇਸ ਕਰਕੇ ਇਸ ਦਿਨ ਮੰਦਰ ਸਾਰੀ ਰਾਤ ਖੁੱਲ੍ਹੇ ਰਹਿੰਦੇ ਹਨ। ਘਰਾਂ ਵਿੱਚ ਭਗਤ ਬਾਲਕ ਰੂਪ ਵਿੱਚ ਕ੍ਰਿਸ਼ਨ ਜੀ ਦੀ ਸਥਾਪਨਾ ਕਰਦੇ ਹਨ ਅਤੇ ਝੂਲਾ ਸਜਾਉਂਦੇ ਹਨ। ਬੱਚਿਆਂ ਨੂੰ ਕ੍ਰਿਸ਼ਨ ਜੀ ਵਾਂਗ ਸਜਾਉਣ ਦੀ ਪ੍ਰਥਾ ਵੀ ਲੋਕਾਂ ਵਿੱਚ ਪ੍ਰਚਲਿਤ ਹੈ, ਪਰ ਇਹ ਸਭ ਮਰਿਆਦਾ ਅੰਦਰ ਕਰਨਾ ਚਾਹੀਦਾ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Crime Awaz India ਦੇ YouTube ਚੈਨਲ ਨੂੰ Subscribe ਕਰ ਲਵੋ। W/A Channel Follow ਕਰੋ, Crime Awaz India ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ ‘ਤੇ ਵੀ ਫੋਲੋ ਕਰ ਸਕਦੇ ਹੋ
